ډاډ به ترلاسه کړو چې ایران سیمه ییزو وسله والو ډلو ته مالي ملاتړ ور نه کړي، جي ډي وینس

کوټه (ویب نیوز) د امریکا مرستیال ولسمشر ویلي چې له ایران سره د شوې تفاهمي یادداشت ۶۰ ورځنی پړاو پیل شوی او امریکا به ډاډ ترلاسه کړي چې ایران سیمه ییزو وسله والو ډلو ته مالي ملاتړ ور نه کړي. نوموړي وویل چې د ایران یو شمېر پوځي تاسیسات او د بالستیک توغندیو اړوند وړتیاوې زیانمنې شوې دي او د هرمز تنګي له لارې د تېلو لېږد بېرته عادي حالت ته روان دی. د هغه په وینا، په وروستي تړون کې به د ایران د توغندیو پروګرام، اټومي فعالیتونو او بندیزونو په اړه مهمې خبرې وشي او د سیمې د سولې او ثبات لپاره به ډیپلوماټیکې هڅې دوام ولري.