اسرائیل هڅه کوي د امریکا پر سیاست اغېز وکړي، جې ډي وینس

واشنګټن (ویب نیوز) د امریکا مرستیال ولسمشر جې ډي وینس په یوه پوډکاسټ کې ویلي چې اسرائیل د امریکا مهم متحد دی، خو د امریکا ملي ګټې باید تل لومړیتوب ولري. نوموړي وویل دا سمه نه ده چې که اسرائیل له کوم تړون څخه خوښ نه وي نو هغه به حتماً بد تړون وي. د جې ډي وینس په وینا اسرائیل هڅه کوي د امریکا پر سیاست اغېز وکړي او امریکايي مشران باید د خپل هېواد د ګټو د ساتنې لپاره له احتیاطه کار واخلي. هغه زیاته کړه چې امریکا نه شي کولای تل یوازې د خپلو متحدینو ګټې په پام کې ونیسي، بلکې پرېکړې باید د امریکا د ولس او دولت د ګټو له مخې وشي.