اسرائیل کولای شي د سولې تړون سبوتاژ کړي، امریکايي استخباراتو خبرداری ورکړی

واشنګټن (ویب نیوز) واشنګټن پوسټ راپور ورکړی چې امریکايي استخباراتي ادارو د ټرمپ ادارې ته خبرداری ورکړی چې اسرائیل ښايي د سولې احتمالي تړون د ناکامولو هڅه وکړي. د راپور له مخې د اسرائیل لومړی وزیر بنیامین نتنیاهو په لبنان کې د پوځي عملیاتو د دوام لپاره له سیاسي فشار سره مخ دی، چې له امله یې داسې اقدامات ترسره کېدای شي چې د امریکا او ایران ترمنځ وروستي توافق ته زیان ورسوي. بل لور ته امریکايي رسنیو ویلي چې ولسمشر ډونلډ ټرمپ د اسرائیلي مشرانو سره په اړیکه کې د اوربند غوښتنه کړې ده، په داسې حال کې چې عربي رسنیو د راپورونو له مخې د لبنان په جنوب کې د اسرائیلي بریدونو له امله د شهیدانو شمېر ۴۷ او د ټپیانو شمېر ۹۷ ته رسېدلی دی.