امريکا او ايران د سپاه پاسداران سره پر مستقيمو اړيکو سلا شول

واشنګټن/دوحه (ويب ډيسک) د امريکا مرستيال ولسمشر جې ډي وېنس ويلي چې امريکا او ايران د سپاه پاسداران انقلاب سره د مستقيمو اړيکو د نوي چينل پر جوړولو هوکړه کړې ده. نوموړي د برېتانوي رسنيو سره په مرکه کې وويل، ټاکل شوې چې د ايران د سپاه پاسداران او د امريکا د سنټکام چارواکي ژر په دوحه کې سره وګوري او د دواړو هېوادونو ترمنځ د اختلافاتو د کمولو، د باور جوړونې، سيمه ييز ثبات، اقتصادي همکارۍ او راتلونکو اړيکو په اړه خبرې وکړي. د جې ډي وېنس په وينا، متحده عربي اماراتو هم له ايران سره نوي مستقيم تماسونه پيل کړي او تمه ده چې دغه بهير به د دواړو هېوادونو ترمنځ تاوتريخوالی راکم او د اړيکو د ښه والي لپاره لاره هواره کړي.