په دُکي کې پر جوړېدونکي سړک د ماین چاودنه، موټر ګرېډر زیانمن شو، مرګ ژوبله نه ده اوښتې

دُکي (وېب نیوز) د بلوچستان د دُکي ولسوالۍ د یارو ښار کراس ته نږدې د چمالنګ پر لور د جوړېدونکي سړک پر مسیر د ځای پر ځای شوي ماین د چاودنې له امله د سړک جوړولو موټر ګرېډر ته زیان اوښتی، خو له نېکه مرغه کومه مرګ ژوبله نه ده رامنځته شوې. د سرچینو په وینا، د چاودنې پر مهال ماشین په ساختماني کار بوخت و. له پېښې وروسته امنیتي ځواکونو سیمه کلابنده کړه، شواهد یې راټول کړل او پلټنې یې پیل کړې. چارواکي وایي، د چاودنې د نوعیت او مسؤلو کسانو د پېژندلو لپاره څېړنې روانې دي، او له اړینو امنیتي تدابیرو وروسته به د سړک د جوړولو چارې بېرته پیل شي.