د بلوچستان د روغتیا مشرتابه کنفرانس کې د روغتیايي مرکزونو د فعالیت پر ښه والي ټینګار

کوټه (وېب نیوز) د بلوچستان د روغتیا مشرتابه کنفرانس په دویمه ورځ د روغتیا وزیر بخت محمد کاکړ په مشرۍ غونډه ترسره شوه، چې پکې د بلوچستان والي شیخ جعفر خان مندوخېل، د روغتیا وزارت، پي پي اېچ آی او یونیسف لوړپوړو چارواکو ګډون کړی و. په غونډه کې د قلات او ژوب ډویژنونو د روغتیايي خدمتونو ارزونه وشوه، غوره فعالیت لرونکي ولسوالۍ وستایل شوې او کمزورو مرکزونو ته د خدمتونو د ښه والي سپارښتنې وشوې. والي بلوچستان د روغتیايي اصلاحاتو ستاینه وکړه او خلکو ته یې د معیاري روغتیايي اسانتیاوو د برابرولو ژمنه بیا تازه کړه.