په هنه اوړک کې د تصفیوي عملیاتو دوام، د ترهګرو او د هغوی د ملاتړو پر ضد به بې توپیره اقدام کېږي بخت محمد کاکړ

کوټه (وېب نیوز) د بلوچستان د روغتیا وزیر بخت محمد کاکړ ویلي، د وزیراعلیٰ میر سرفراز بګټي په لارښوونه په هنه اوړک او شاوخوا سیمو کې د امنیت د ټینګښت او د تلپاتې سولې لپاره جامع تګلاره عملي شوې او د ترهګرو پر ضد تصفیوي (سینیټایزېشن) عملیات روان دي. نوموړي وویل چې په سیمه کې ګډه امنیتي پوسته فعاله شوې او ټول امنیتي ارګانونه په ګډه خپلې دندې ترسره کوي. هغه زیاته کړه چې د ترهګرو او د هغوی د ملاتړو پر ضد به بې توپیره قانوني اقدام دوام ولري، له مظاهره‌چیانو سره خبرې روانې دي او د هغوی د مشروع غوښتنو د حل لپاره عملي ګامونه اخیستل کېږي. بخت محمد کاکړ د شهیدانو قربانۍ وستایلې او ویې ویل چې حکومت به د هغوی له کورنیو سره هر ډول ممکنه مرسته وکړي.