په هنه اوړک کې د ترهګرو پر ضد عملیات روان دي، درې ترهګر وژل شوي او دوه د سرتېري ټپیان دي

کوټه (وېب نیوز) د بلوچستان د کورنیو چارو وزیر میر ضیاءالله لانګو او د وزیراعلی ویاند شاهد رند ویلي چې په هنه اوړک کې د امنیتي ځواکونو عملیات په بشپړ ځواک روان دي. د دوی په وینا، تر اوسه درې ترهګر وژل شوي او د ترهګرۍ ضد ځواک دوه سرتېري ټپیان شوي دي. چارواکو وویل چې ترهګرو اووه کسان هم تښتولي، چې د هغوی د خوشې کولو لپاره هڅې روانې دي. حکومت په سیمه کې ګډه امنیتي پوسته هم جوړه کړې او تر هغې به عملیات دوام ولري، څو سیمه په بشپړه توګه له ترهګرو پاکه شي.