د هنه اوړک امنیتي وضعیت د اندېښنې وړ دی، حکومت دې جدي اقدامات وکړي

کوټه (وېب نیوز) د عوامي نېشنل ګوند سناتور نواب ارباب عمر فاروق کاسي د هنه اوړک وروستي برید ته په اشارې ویلي چې د ترهګرۍ دوامداره پېښې د امنیتي وضعیت د خرابېدو څرګندونه کوي. نوموړي له حکومت څخه غوښتنه کړې چې په اغېزمنو سیمو کې امنیت لا پیاوړی کړي، د پېښو عاملین ونیسي، ټپیانو ته غوره طبي اسانتیاوې برابرې کړي او د راتلونکو ورته پېښو د مخنیوي لپاره عملي او هر اړخیزه تګلاره خپله کړي.