وزیراعظم له پانګوالو وغوښتل چې د پاکستان په لومړیتوب لرونکو برخو کې پانګونه پراخه کړي

اسلام‌آباد۰(وېب نیوز)د پاکستان وزیراعظم شهباز شریف د وفاقي کابینې غونډې ته په وینا کې وویل چې پانګوال دې د پاکستان د انرژۍ، کان‌کیندنې، معدنیاتو او بنسټیزو پروژو په ګډون په لومړیتوب لرونکو برخو کې خپله پانګونه نوره هم پراخه کړي. نوموړي وویل، د ترکیې د وروستي سفر پر مهال یې له مخکښو ترکي سوداګریزو شرکتونو سره لیدلي او هغوی یې په پاکستان کې پانګونې ته هڅولي دي. وزیراعظم د ګروپ کپتان عاصم طارق پر شهادت ژوره خواشیني څرګنده کړه او هغه ته یې د عقیدت پیرزوینې وړاندې کړې. هغه د ترهګرۍ ضد عملیاتو کې د بریاوو له امله امنیتي ځواکونو ته مبارکي ورکړه او ویې ویل چې حکومت او امنیتي ادارې به د ترهګرۍ تر بشپړ له منځه وړلو پورې په ګډه خپلې هڅې روانې ساتي.