پاکستان د صوفيانه روايتونو ستر امين دی، د تصوف تعليمات د زغم او يووالي بنسټ جوړوي، يوسف رضا ګيلاني

اسلام آباد (وېب نيوز) د سېنېټ رئيس سيد يوسف رضا ګيلاني ويلي، پاکستان د اسلامي نړۍ له هغو هېوادونو څخه دی چې د صوفيانه روايتونو ستر ميراث لري. هغه د “تصوف او کلتور” په نوم د هنري نندارتون د پرانيستې پر مهال وويل، د صوفيانو تعليمات د مينې، زغم، خبرو اترو او ګډ ژوند پيغام ورکوي او د نننۍ نړۍ د کرکې او افراطيت پر وړاندې اغېزمنه لار ده. نوموړي د هنرمندانو او د پاکستان نېشنل کونسل آف آرټس هڅې هم وستايلې.