ايا اوس به د ايم اې فارغان د صفاۍ کارکوونکي کېږي؟ د اساسي قانون محکمې توندې څرګندونې

اسلام آباد (ويب نيوز) د پاکستان اساسي قانون محکمې په خيبر پښتونخوا کې د يوه ايم اې پاس کس د صفاۍ کارکوونکي (سويپر) په توګه د ګومارنې په قضيه کې د پېښور هايکورټ پرېکړه پر ځای وساتله او د صوبايي حکومت اپيل يې رد کړ. د اورېدنې پر مهال جسټس حسن اظهر رضوي وويل، ايا اوس به د ايم اې فارغان د سويپر دندې ترسره کوي؟ هغه وويل، ياد کس له لسو کلونو راهيسې دنده ترسره کوي، نو اوس يې لرې کول مناسب نه دي، خو حکومت بايد ورته د هغه له وړتيا سره سمه دنده ورکړي. محکمې دغه حالت د تعليم يافته ځوانانو لپاره د اندېښنې وړ وباله.