مریم نواز په آزاد کشمیر کې د پرمختیايي پروژو او ولسي هوساینې ژمنه وکړه

کوټه (ویب نیوز) د پنجاب اعلیٰ وزیرې مریم نواز په مظفرآباد کې یوې ټاکنیزې غونډې ته وویل، هغه کسان چې په خپلو صوبو کې د پرمختګ او بنسټیزو اسانتیاوو په برابرولو کې پاتې راغلي، په آزاد کشمیر کې هم د پرمختګ ادعا نه شي کولای. هغې وویل، مسلم لیګ (ن) په پنجاب کې د تعلیم، روغتیا، کورونو او سړکونو په برخه کې مهمې پروژې پلې کړې دي او که په آزاد کشمیر کې هم د خلکو ملاتړ ترلاسه کړي، نو هلته به هم پراخ پرمختیايي کارونه ترسره شي. نوموړې ژمنه وکړه چې ګرین بسونه، ګرځنده روغتونونه، سکالرشپونه، لپټاپونه، د “خپل کور، خپله چت” پروژه او د هر کلي تر کچې د سړکونو جوړول به د ګوند د لومړیتوبونو برخه وي، او مسلم لیګ (ن) به د آزاد کشمیر د پرمختګ لپاره خپلې ژمنې عملي کړي.