تهرپارکر کې د سختې ګرمۍ له امله ۱۳ موران مړه شوي

تهرپارکر (نوې ژوند پښتو کوټه) د تهرپارکر ننگرپارکر او شاوخوا سیمو کې د تېرو دوو ورځو پر مهال ۱۳ موران د سختې ګرمۍ او د اوبو کمښت له امله مړه شوي دي. د وائلډ لایف اسسټنټ کنزرویټر ویلي چې د مورانو مړینه د کومې ناروغۍ له امله نه، بلکې د هیټ سټروک او شدیدې تودوخې له کبله رامنځته شوې ده. نوموړي زیاته کړه چې په سیمه کې د اوبو کموالی د مرغانو حالت نور هم خراب کړی او د ژغورنې لپاره ناروغ مورانو ته ملټي ویټامن ورکول پیل شوي دي، څو د نورو مرګونو مخه ونیول شي۔