ایران به د هرې بیې په بدل کې هم د هرمز له تنګي شاته نه شي، د ایران پخوانی ستر قاضي

کوټه (ویب نیوز) د ایران پخواني ستر قاضي او د مصلحت تشخیص شورا مشر آیت الله آملي لاریجاني ویلي چې ایران به د هرې بیې په بدل کې هم د هرمز تنګي په اړه له خپل دریځ څخه شاته نه شي. د ایران د دولتي راډیو او ټلوېزیون د راپور له مخې، آیت الله آملي لاریجاني ویلي چې د ایران دښمنان هڅه کوي د هرمز تنګي محاصره کړي، خو ایران پر دې مهمې او ستراتیژیکې سمندري لارې بشپړ حاکمیت لري. هغه څرګنده کړې چې ایران به د هرمز تنګي په اړه له خپل دریځ څخه هېڅ ډول شاتګ ونه کړي. آیت الله آملي لاریجاني اوس مهال د ایران د مصلحت تشخیص شورا مشر دی، چې د ایران د ستر رهبر له خوا ټاکل شوی مهم مشورتي او د شخړو د حل ارګان دی.