حکومت د عمران خان د درملنې په اړه د سترې محکمې د حکم پر ضد د بیاکتنې عریضه کوي

اسلام اباد (ویب نیوز) فدرالي حکومت پرېکړه کړې چې د پي ټي آی د بنسټګر عمران خان د شفا انټرنېشنل روغتون د درملنې په اړه د سترې محکمې د حکم پر ضد د بیاکتنې عریضه وړاندې کړي. د قانون وفاقي وزیر اعظم نذیر تارړ ویلي، حکومت غواړي چې د عمران خان طبي معاینه په یوه دولتي روغتون کې ترسره شي او د محکمې د حکم په ځینو برخو کې د مناسب بدلون له لارې موجود ابهامونه لرې شي. هغه وویل، د سزا شوو بندیانو د درملنې په اړه په قانون کې واضح کړنلاره شته او که یو بندي له زندان څخه بهر درملنې ته اړتیا ولري، عموماً دولتي روغتون ته انتقالېږي. اعظم نذیر تارړ زیاته کړه چې حکومتي قانوني ډلې د محکمې د حکم ارزونه کړې او د بیاکتنې له لارې سترې محکمې ته د رجوع پرېکړه شوې ده. بلخوا د دفاع وزیر خواجه آصف ویلي چې د پي ټي آی له خوا د خپل مشر لپاره د این ار او ترلاسه کولو غوښتنه تر نوې کچې رسېدلې، خو نوموړي د عمران خان لپاره د سمدستي او بشپړو طبي اسانتیاوو ملاتړ کړی او د هغه د روغتیا لپاره یې دعا کړې ده. د یادونې وړ ده چې سترې محکمې حکم کړی چې عمران خان دې په دوو ورځو کې شفا انټرنېشنل روغتون ته ولېږدول شي، طبي بورډ دې جوړ شي، بشپړ طبي ریکارډ دې وړاندې شي او له کورنۍ سره دې په اونۍ کې یوه لیدنه او له زامنو سره دې په اونۍ کې دوه ځله ټیلیفوني خبرې ورته برابرې شي.