مسلم لیګ (ن) د هېواد او صوبې لپاره تل په یوه تګلاره روان شوی، زرک مندوخېل

کوټه (ویب نیوز)د مسلم لیګ (ن) مشر زرک خان مندوخېل ویلي چې مسلم لیګ (ن) یوازینی سیاسي ګوند دی چې د هېواد د پرمختګ، سوکالۍ او د بلوچستان د ابادۍ او پرمختګ لپاره یې عملي اقدامات کړي دي. نوموړي له بېلابېلو پلاوو سره په خبرو کې وویل چې د مسلم لیګ (ن) د سیاست محور د ولس خدمت او د بنسټیزو ستونزو حل دی. زرک خان مندوخېل وویل، دوی د سیمې د خلکو له ستونزو ښه خبر دي او د حل لپاره یې هر ډول هڅې روانې دي. د هغه په وینا، په سیمه کې به پرمختیايي کارونه چټک او د ولس ستونزې به په لومړیتوب کې حل شي. نوموړي وویل چې د مسلم لیګ (ن) حکومت تل خلکو ته د اسانتیاوو برابرولو، د بنسټیزو تاسیساتو د ښه کولو او د پرمختیايي پروژو د پراختیا لپاره پاملرنه کړې ده او په صوبه کې روانې پروژې د دې خبرې ثبوت دي چې مسلم لیګ (ن) یوازې پر دعوو نه، بلکې پر عملي اقداماتو باور لري. زرک خان مندوخېل وویل چې د ولس باور ورته ډېر ارزښت لري او د سیمې د پرمختګ لپاره به خپلې ټولې وړتیاوې وکاروي. هغه ټینګار وکړ چې مسلم لیګ (ن) به ولس ناهیلی نه کړي او د سیمې د اوږدمهاله ستونزو د حل لپاره به خپلې هڅې روانې ساتي.