پاکستان او آذربایجان اړیکې ورځ تر بلې پیاوړې کېږي: د سینیټ چیئرمېن

اسلام آباد (نوې ژوند وېب نیوز) د سینیټ چیئرمېن سید یوسف رضا ګیلاني ویلي دي چې د پاکستان او آذربایجان ترمنځ ورورولي اړیکې ورځ تر بلې لا قوي او پراخېږي، هغه د آذربایجان د خپلواکۍ د ورځې په مراسمو کې وویل چې دواړه هېوادونه د دیني، کلتوري او تاریخي اړیکو له مخې سره تړلي دي او په نړیوالو فورمونو کې د یو بل ملاتړ کوي، هغه زیاته کړه چې د دواړو هېوادونو ترمنځ هوایي اړیکې هم پراخې شوې دي او له اسلام آباد او لاهور څخه باکو ته اونیزې پروازونه روان دي، چې له امله یې د سفر وخت ډېر کم شوی، هغه وویل چې راتلونکي کې به د پروازونو شمېر نور هم زیات شي تر څو سیاحت او ولسي اړیکې وده وکړي، او د باکو تاریخي ملتاني کاروان سرای یې د دواړو ملتونو د زرګونو کلونو اړیکو نښه وبلله، او ټینګار یې وکړ چې دواړه هېوادونه به د سولې، پرمختګ او سوکالۍ لپاره ګډ کار ته دوام ورکړي.