پاکستان د بېلټ اېنډ روډ او سي پېک کلک ملاتړی دی، جام کمال خان

کوټه (ویب نیوز) د سوداګرۍ وفاقي وزیر جام کمال خان د بېلټ اېنډ روډ په ۱۱مه سرمشریزه کې وویل چې سي پېک پاکستان د سیمه‌ییزې سوداګرۍ او اړیکو پر مهم مرکز بدلوي. هغه وویل چې پاکستان منځنۍ اسیا او لوېدیځ چین له خپلو بندرونو سره نښلوي او د سړکونو، اورګاډو، بندرونو او عصري ګمرکي نظام د پراختیا له لارې د سوداګرۍ وخت او لګښت کمېږي. نوموړي وویل چې په پاکستان کې د انرژۍ، بنسټیزو تاسیساتو، کانونو، کرنې، صنعت او ګرځندوی په برخو کې د پانګونې پراخ فرصتونه شته او د سي پېک د دویم پړاو له مخې پانګه‌والو ته نور فرصتونه هم برابرېږي. جام کمال خان د بېلټ اېنډ روډ له شریکانو وغوښتل چې په پاکستان کې له شته پانګیزو فرصتونو ګټه واخلي او ویې ویل چې پاکستان سیمه‌ییزو بازارونو ته د لاسرسي لپاره پر یوه مهم سوداګریز پل بدلېږي.