شفیع جان د رانا ثناءالله د موبایل د عدلي څېړنې غوښتنه وکړه

کوټه (ویب نیوز) د خیبر پښتونخوا د اطلاعاتو وزیر شفیع جان د وزیراعظم د سیاسي چارو د سلاکار سناتور رانا ثناءالله د موبایل د عدلي څېړنې غوښتنه کړې او ویلي یې دي چې له دې لارې له ممنوعه ډلو سره د نوموړي د احتمالي اړیکو معلومات ترلاسه کېدای شي. هغه وویل چې د مې نهمې پېښې په اړه دې کره شواهد وړاندې او مسؤل کسان دې سزا شي. شفیع جان وویل چې له خیبر پښتونخوا څخه به اسلام‌اباد ته په سوله‌ییز ډول لاریون کېږي او په نورو ښارونو کې به احتجاج او تړل کېدل ترسره شي. نوموړي زیاته کړه چې که دوی ونیول شي، له مخکې ثبت شوې ویډیوګانې به خپرې کړي او د هر ډول اقدام پر وړاندې به سخت غبرګون وښيي.