د کوټې قول اردو قوماندان د رسنیو له استازو سره ځانګړې ناسته، د امنیتي وضعیت په اړه معلومات ورکړل شول

کوټه (ویب نیوز) د کوټې قول اردو قوماندان د رسنیو له استازو سره په ځانګړې ناسته کې د بلوچستان د اوسني امنیتي وضعیت، د امن او نظم د ټینګښت لپاره د ترسره کېدونکو اقداماتو او امنیتي ننګونو په اړه تفصیلي معلومات ورکړل. د رسنیو پلاوي له ترهګرو څخه ترلاسه شوې وسلې هم وکتلې. د قول اردو قوماندان وویل چې د وروستي ترهګر تر له منځه وړلو پورې به امنیتي اقدامات دوام ولري، په بلوچستان کې د سولې او ثبات د ټینګښت لپاره ټولې ممکنې هڅې روانې دي او د امن تر څنګ به د صوبې د پرمختګ بهیر هم دوام ومومي. د رسنیو پلاوي د کوټې سي اېم اېچ روغتون ځانګړی سفر هم وکړ او د ترهګرۍ پر ضد عملیاتو کې د ټپی شوو سرتېرو پوښتنه یې وکړه.