د سپټمبر له ۱۴مې وروسته د حج، عمرې او بهرني سفر لپاره د نادرا واکسین کارت لازمي

اسلام‌اباد/کوټه (ویب نیوز) د سپټمبر له ۱۴مې وروسته د حج، عمرې او نورو بهرنیو سفرونو لپاره د نادرا له خوا تصدیق شوی ډیجیټل واکسین کارت لازمي ګرځول شوی دی. مسافر باید له سفر مخکې له اړوند دولتي یا له نادرا سره تړلي واکسین مرکز څخه خپل ډیجیټل واکسین کارت ترلاسه کړي. د بهرني سفر لپاره د پولیو، مېنینجایټس، ژېړ تبه، انفلوینزا او نورو ټاکل شوو واکسینونو ریکارډ باید په تصدیق شوي ډیجیټل کارت کې ثبت وي. چارواکو له مسافرو غوښتي چې له سفر مخکې د واکسین ټول اړین پړاوونه بشپړ او د نادرا ډیجیټل واکسین کارت ترلاسه کړي، څو په هوايي ډګرونو کې له ستونزو سره مخ نه شي.