په مکه مکرمه کې د ډرون برید هڅه د بخښلو وړ نه ده، وزیراعظم

اسلام آباد (وېب نیوز) وزیراعظم شهباز شریف په مکه مکرمه کې د مسجد الحرام پر مقدس مقام د ډرون برید هڅه په کلکو ټکو غندلې او دا یې د بخښلو وړ اقدام بللی دی.وزیراعظم په ټولنیزو رسنیو کې په خپور کړي بیان کې ویلي چې د مسجد الحرام او مکې مکرمې په څېر د مقدس ځای پر وړاندې د برید هڅې پاکستانی ولس سخت خپه او اندېښمن کړی دی.نوموړي د سعودي مسلح ځواکونو د چټک اقدام، مېړانې او مسلکي وړتیاوو ستاینه وکړه او ویې ویل چې سعودي ځواکونو پر وخت اقدام وکړ او له خطر سره یې مقابله وکړه.وزیراعظم شهباز شریف له ټولو اړخونو وغوښتل چې له اعظمي زغم څخه کار واخلي او له لا زیاتې ترینګلتیا څخه ډډه وکړي.هغه وویل چې سیمه له وړاندې د شخړو دروند قیمت پرې کړی او د دایمي سولې د ترلاسه کولو لپاره خبرې اترې او ډیپلوماسي یوازینۍ عملي لار ده.وزیراعظم زیاته کړه چې پاکستان د سعودي عربستان د خپلواکۍ او ځمکنۍ بشپړتیا د دفاع ترڅنګ، د حرمین شریفین د امنیت او تقدس د ساتنې لپاره په کلک هوډ د سعودي عربستان ترڅنګ ولاړ دی.