په مستونګ کې پر پخواني ډسټرکټ اټارني بلال احمد اېډووکېټ وسله‌وال برید، له مرګه روغ ووت

مستونګ(نوې ژوند وېب نیوز)د مستونګ د بابو محلې په سیمه کې نامعلومو وسله‌والو د پخواني ډسټرکټ اټارني بلال احمد اېډووکېټ پر موټر ډزې وکړې. د برید له امله موټر ته ګڼې مرمۍ ولګېدې، خو بلال احمد اېډووکېټ له هر ډول ځاني زیان پرته خوندي پاتې شو. د پولیسو په وینا، بریدګر له پېښې وروسته وتښتېدل، او پولیسو د پېښې له ځایه شواهد راټول کړي او د پلټنو ترڅنګ یې د بریدګرو د نیولو لپاره عملیات پیل کړي دي. د سیمې خلکو د برید غندنه کړې او غوښتنه یې کړې چې مسؤل کسان دې ژر تر ژره ونیول شي او د قانون منګولو ته دې وسپارل شي.