د زیارت د ۳۰ پولیسو د استعفاوو خبر دروغجن دی، بلوچستان پولیسو یې کلک رد وکړ

کوټه (وېب نیوز)د بلوچستان پولیسو ویاند په ټولنیزو رسنیو کې خپرېدونکې هغه خبر په کلکه رد کړی چې پکې ادعا شوې وه د زیارت ولسوالۍ ۳۰ پولیسو له خپلو دندو استعفاوې ورکړې دي. د ویاند په وینا، دغه خبر په بشپړ ډول بې بنسټه، له حقیقته لرې او جعلي دی او هېڅ ډول حقیقت نه لري. نوموړي وویل، د زیارت د پولیسو مشر (اېس پي) عبدالمالک هم له دغه خبر څخه ناخبري ښودلې او په څرګنده یې رد کړی دی. د بلوچستان پولیسو له خلکو غوښتنه کړې چې پر ناسمو او غیرمصدقو خبرونو باور ونه کړي او یوازې د رسمي سرچینو له خوا خپاره شوي معلومات معتبر وګڼي.