د دشت په سیمه کې د وسله‌والو ناکه بندي، د موټرو تالاشي؛ درې ساعته لار تړلې وه

دشت (ویب نیوز)د دشت په سیمه کې د تولګي سړک څخه د سي پیک لویې لارې پر لور په غځېدلې لار کې نامعلومو وسله‌والو کسانو د ادعا له مخې ناکه بندي کړې او د تېرېدونکو موټرو تالاشي یې کړې ده. د ځايي سرچینو په وینا، په ناکه بندۍ کې له وسله‌والو سړیو سره ښځې هم شاملې وې، چې له لارې یې تېرېدونکي موټر درول او تالاشي کول. سرچینې وايي، ناکه بندي شاوخوا د مازیګر په ۴ بجو پیل او تر ۷ بجو پورې روانه وه، چې له امله یې په سیمه کې د وېرې او ترهې فضا رامنځته شوه. د پېښې په اړه تر اوسه نور جزیات او د وسله‌والو کسانو هویت نه دی څرګند شوی او اړوندو چارواکو هم د پېښې رسمي پخلی نه دی کړی.